Չքնաղ տեսարան է բացվում Սևանա լճի հյուսիս-արևմտյան մասում, ուր լճի հայելանման մակերևույթից վեր է հառնում թերակղզին` իր միջնադարյան վանքային համալիրով: Սևանավանքը կառուցվել է 874թ.-ին Աշոտ Բագրատունու դուստր` Մարիամ իշխանուհու հրամանով: Երկնքի կապույտի ու լճի զմրուխտի տեսարանին գծագրվող Սբ. Առաքելոց և Սբ. Աստվածածին եկեղեցիներն անբացատրելի տպավորություն են թողնում դիտողների վրա:

Բացահայտեք առասպելական Հայաստան մեզ հետ: Մենք առաջարկում ենք Ձեզ այցելել Հայաստան և անցկացնել լավագույն արձակուրդները հենց այստեղ: Դիլիջանը անշուշտ ներառված է էքսկուրսիաների ցանկում, որպես Հայաստանում լավագույն հանգստավայրերից մեկը: Դիլիջանը գտնվում է Հայաստանի հյուսիսում, Տավուշի մարզում՝ Երևանից մոտ 96 կմ հեռավորության և ծովի մակերևույթից 1255—1510 մմ բարձրության վրա: Բնությունը լեռնային և անտառապատ է: Դիլիջանում Դուք կարող եք զբոսնել հին քաղաքով և հիանալ շենքերի յուրահատուկ ճարտարապետական ոճով, որը փողոցներին հաղորդում է հեքիաթային տեսք և փոխանցվում է Հայաստանի գույները: Այստեղ Դուք այցելելու եք նաև երկրաբանական թանգարան, որն ունի ավելի քան 1017 հնագիտական գտածոներ, այդ թվում` գրաֆիկական աշխատանքներ, գծանկարներ, քանդակներ, արծաթափայլեր, մետաղադրամներ և այլ հետաքրքիր նմուշներ:

Միջնադարյան Հայաստանի հոգևոր ու մշակութային կենտրոն Հաղարծինը գտնվում է Դիլիջանից 12 կմ հեռավորության վրա՝ շրջապատված թավուտ անտառներով, հիասքանչ բնապատկերներով, ճարտարապետության ու բնության ներդաշնակության անկրկնելի օրինակ: Հաղարծինի հուշարձանախումբը տեղադրված է բնակավայրերից հեռու, անտառապատ լեռներով շրջապատված սարահարթի վրա, այն ուշագրավ է համակառույցի մեջ մտնող ճարտարապետական բարձրարժեք հուշարձաններով և հարյուրից ավելի բազմաբովանդակ վիմական արձանագրություններով, որոնք հարուստ նյութ են բովանդակում միջնադարյան Հայաստանի սոցիալ-քաղաքական պատմության վերաբերյալ: Հաղարծնի վանքի միաբանությունը Գոշավանքի, Հաղպատի և Վարագավանքի հետ միասին մասնակցել է երկրում կրթական գործի ծավալմանը և հայ եկեղեցու դավանանքը պահպանելու համար մղված երկարատև ու համառ պայքարին:

Գոշավանքը հիմնադրվել է միջնադարի նշանավոր հոգևոր գիտնական, առակագիր և իրավագետ Մխիթար Գոշի կողմից: Վանքային համալիրը բաղկացած է մի քանի եկեղեցական և աշխարհիկ կառույցներից: Այս խմբի զարդն է կազմում Սուրբ Լուսավորիչ եկեղեցու մուտքի մոտ տեղադրված մեծատաղանդ Պողոս վարպետի կողմից 1291թ.-ին կերտված անզուգական խաչքարը: Գոշավանքը եղել է միջնադարի հոգևոր մշակույթի և գրչության ամենահայտնի կենտրոններից մեկը Հայաստանում: Պատմական աղբյուրներում այն հիշատակվում է որպես վարժարան, համալսարան, ուր ստեղծվել ու պահվել են բազմաթիվ ձեռագրեր: